Dimensioni del testo

Carattere

Tema

Evidenzia versetti con note

Stai leggendo

NOVAVULGATA

Nova Vulgata

Confronta il testo attuale con

CEI2008

CEI 2008
CEI1974

CEI 1974
INTERCONFESSIONALE

Interconfessionale
EBRAICO

AT ebraico
GRECO_LXX

AT greco
GRECO_NT

NT greco

Capitoli
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
BibbiaEDU-logo

Nova Vulgata - Vetus Testamentum - Primus Samuelis - 10

Primus Samuelis

10 Tulit autem Samuel lenticulam olei et effudit super caput eius et deosculatus eum ait: «Ecce unxit te Dominus in principem super populum suum, super Israel. Et tu dominaberis populo Domini et tu liberabis eum de manu inimicorum eius, qui in circuitu eius sunt. Et hoc tibi signum quia unxit te Deus in principem super hereditatem suam:
1 Unxit te Dominus... signum - Insere cum Gr (Vg) mešāḥăkā jhwh lenāgid ‛al ‛ammô ‛al jiśrā’el weattāh ta‛ǎšor be‛am jhwh weattāh tôši‛ennû mijjad ’ōjebâw missābîb wezeh lekā hā’ôt; TM omittit
cum abieris hodie a me, invenies duos viros iuxta sepulcrum Rachel in finibus Beniamin, dicentque tibi: “Inventae sunt asinae, ad quas ieras perquirendas; et intermissis pater tuus asinis sollicitus est pro vobis et dicit: Quid faciam de filio meo?”.
2 Post «Beniamin» omittitur beṣelṣaḥ (locus ignotus?); Vg «in meridie»; Gr «salientes magnopere»
3Cumque abieris inde et ultra transieris et veneris ad quercum Thabor, invenient te ibi tres viri ascendentes ad Deum in Bethel: unus portans tres haedos et alius tres tortas panis et alius portans utrem vini.
4Cumque te salutaverint, dabunt tibi duos panes, et accipies de manu eorum.
Post haec venies in Gabaa Dei, ubi est statio Philisthinorum; et, cum ingressus fueris ibi urbem, obviam habebis gregem prophetarum descendentium de excelso et ante eos psalterium et tympanum et tibiam et citharam ipsosque prophetantes.
5 Statio - Lege cum Gr, Syr et Vg neṣîb; TM «stationes»
6Et insiliet in te spiritus Domini, et prophetabis cum eis et mutaberis in virum alium.
7Quando ergo evenerint signa haec omnia tibi, fac, quaecumque invenerit manus tua, quia Dominus tecum est.
8Et descendes ante me in Galgala. Ego quippe descendam ad te, ut offeram oblationem et immolem victimas pacificas. Septem diebus exspectabis, donec veniam ad te et ostendam tibi, quae facias».

9Itaque, cum avertisset umerum suum, ut abiret a Samuele, immutavit ei Deus cor aliud, et venerunt omnia signa haec in die illa.
Veneruntque inde in Gabaa, et ecce grex prophetarum obvius ei; et insiluit super eum spiritus Dei, et prophetavit in medio eorum.
10 Inde - Lege cum Gr miššām; TM «ibi»
11Videntes autem omnes, qui noverant eum heri et nudiustertius, quod esset cum prophetis et prophetaret, dixerunt ad invicem: «Quaenam res accidit filio Cis? Num et Saul inter prophetas?».
12Responditque vir loci illius dicens: «Et quis pater eorum?». Propterea versum est in proverbium: «Num et Saul inter prophetas?».

Cessavit autem prophetare et venit in Gabaa;
13 In Gabaa - Lege cum Gr gib‛ātāh (cfr. Gr vv. 5.10); TM «ad excelsum» (Vg)
14dixitque patruus Saul ad eum et ad puerum eius: «Quo abistis?». Qui respondit: «Quaerere asinas; quas cum non repperissemus, venimus ad Samuelem”.
15Et dixit ei patruus suus: “Indica mihi quid dixerit tibi Samuel”.
16Et ait Saul ad patruum suum: «Indicavit nobis quia inventae essent asinae». De sermone autem regni non indicavit ei, quem locutus illi fuerat Samuel.

17Et convocavit Samuel populum ad Dominum in Maspha
18et ait ad filios Israel: «Haec dicit Dominus, Deus Israel: Ego eduxi Israel de Aegypto et erui vos de manu Aegyptiorum et de manu omnium regnorum, quae affligebant vos.
Vos autem hodie proiecistis Deum vestrum, qui solus salvavit vos de universis malis et tribulationibus vestris, et dixistis: “Nequaquam, sed regem constitue super nos!”. Nunc ergo state coram Domino per tribus vestras et per familias».
19 Nequaquam - Lege cum 35 mss Hebraicis, Gr, Syr et Vg lō’; TM «ei»

20Et applicuit Samuel omnes tribus Israel; et cecidit sors in tribum Beniamin.
21Et applicuit tribum Beniamin et cognationes eius; et cecidit in cognationem Metri et pervenit usque ad Saul filium Cis. Quaesierunt ergo eum, et non est inventus.
Et consuluerunt post haec Dominum, utrumnam venisset illuc vir. Responditque Dominus: «Ecce absconditus est inter sarcinas».
22 Utrumnam ... vir - Lege cum GrB et VL ‛ad; TM «adhuc»; lege cum GrBL hā’îš («vir»); TM sine articulo
23Cucurrerunt itaque et tulerunt eum inde; stetitque in medio populi et altior fuit universo populo ab umero et sursum.
24Et ait Samuel ad omnem populum:
«Certe videtis, quem elegit Dominus, quoniam non sit similis ei in omni populo». Et clamavit cunctus populus et ait: «Vivat rex!».

25Locutus est autem Samuel ad populum legem regni et scripsit in libro et reposuit coram Domino; et dimisit Samuel omnem populum, singulos in domum suam.

Sed et Saul abiit in domum suam in Gabaa; et abierunt cum eo viri fortes, quorum tetigerat Deus corda.
26 Viri fortes - Insere cum Gr benê ante haḥajil; TM omittit benē
27Filii vero Belial dixerunt: «Num salvare nos poterit iste?». Et despexerunt eum et non attulerunt ei munera; ille vero dissimulabat se audire.

Note al testo

1 Unxit te Dominus... signum - Insere cum Gr (Vg) mešāḥăkā jhwh lenāgid ‛al ‛ammô ‛al jiśrā’el weattāh ta‛ǎšor be‛am jhwh weattāh tôši‛ennû mijjad ’ōjebâw missābîb wezeh lekā hā’ôt; TM omittit
2 Post «Beniamin» omittitur beṣelṣaḥ (locus ignotus?); Vg «in meridie»; Gr «salientes magnopere»
5 Statio - Lege cum Gr, Syr et Vg neṣîb; TM «stationes»
10 Inde - Lege cum Gr miššām; TM «ibi»
13 In Gabaa - Lege cum Gr gib‛ātāh (cfr. Gr vv. 5.10); TM «ad excelsum» (Vg)
19 Nequaquam - Lege cum 35 mss Hebraicis, Gr, Syr et Vg lō’; TM «ei»
22 Utrumnam ... vir - Lege cum GrB et VL ‛ad; TM «adhuc»; lege cum GrBL hā’îš («vir»); TM sine articulo
26 Viri fortes - Insere cum Gr benê ante haḥajil; TM omittit benē
Capitolo 9
Capitolo 11